قصة مثل : الملافظ سعد

 

خرج أحمد من البيت وهو بيفكر ..وقال:يعني دا معناه أن الي قتل محمد هو الي قتل جوز خالتي هو تقريبا كدا ست ومبيقتلش الا الرجاله ..انا هروح أسأل اختي امينه ..عن تفاصيل الحادثه ..وهو ماشي لقى ست بتجري ليه وبتقول ألحقني الي الست الي لبسه اسود دي مش راضيه تسبني دي هت..وقبل ما تكمل الكلمه .. وقعت على الأرض وأبتدت تطلع دم من رقبتها ...وماتت ...

احمد برعب:يا انسه ..يا انسه طب هي فين .....طب .. انتي بخير يا انسه ....خد البنت على المستشفى بسرعه ولقى الدكتور بيقول نفس الكلام الي قالوا على محمد وجوز خالتوا ..إن في جرح عميق جداا في الرقبه هو الي أدى للوفاه .. وكمان الدكتور قال لأحمد أن دي مش اول حاله تجلنا بالاسلوب دا...دا حالات كتير ...

مشي احمد وروح البيت ودخل قعد على الكنبه بتاعته وهو بيدور في عقله(دي ست لابسه اسود ...جرح خطير في الرقبه ....كان بيقول يا ابني :جرى أيه يا ست انتي عايزه مني إيه...)...طب حتى لما بتيجي مبشوفهاش دي بتجرح رقبه الشخص وهي مش موجوده اصلا ...طالع لأمينه ..أول ما طلع لقى اخته قاعده على سريرها ...

أحمد:في أيه يا امينه ...

أمينه :مفيش حاجه يا أحمد ..قاعده عادي ....

دخل احمد الأوضه وقال:كنت عايز اتكلم معاكي موضوع ..

امينه :اتفضل يا أحمد ..

أحمد:الدكتور بيقول أن محمد مات قبل الحادثه مات ازاي ..

سكتت امينه شويه واتملكت دموعها وقالت: كان بيقول قبل ما يموت ابعدي يا ست عني أنا هنقذك يا امينه .....وفجاه لقيت في دم طلع من رقبته .....وبعدها ...

احمد:معلش يا امينه 

امينه :ومعلش ليه يا اخويا ما الكل رايح ....

احمد: معاكي حق ..طب انتي تعرفي الست دي كانت لابسه إيه ...

أمينه :اسود ...وشعرها لونه اسود ...

أحمد:شكرا يا امينه. ..

امينه:هو في حاجه يا أحمد ...

احمد:لا يا أمينه متشغليش بالك ....

ونزل احمد تحت فجأه سمع حد في الشارع بيصرخ ويقول لا ..ابعدي عني ...

خرج أحمد بسرعه لقى راجل مراته ماتت نفس الموته ....جرى بسرعه يسأله قال الراجل:كله بسبب رشا ..

أحمد:رشا مين ..

الراجل:سبني أمشي لو سمحت ..

مسكه احمد وقال:لو تعرف اي حاجه عن الست دي قولي لو سمحت انا خطيب اختي وجوز خالتي ماتو بسببها ..أرجوك ..

الراجل:الحج خالد هيعرف يقولك اكتر مني ...أنا هقولك على عنوانه ...

احمد:ماشي. ي 

راح احمد على حسب العنوان الي ادهوله الراجل وخبط على باب البيت وقال :حضرتك الحج خالد ..

الحج:أيوه انا انت مين ..

أحمد:انا عايز اعرف إيه قصه رشا ..

أنصدم الحج وقاله اتفضل ..

قعدوا .....

الحج :تشرب إيه ..

احمد:لا ولا أي حاجه ..لو سمحت قولي مين رشا دي ..

الحج خالد:بنتي ..

احمد:إيه ........

كتب ✍️ محمد يوسف