ديوان: أنا مراته ونزواته
الكاتبه: فاطيمه الجمل
دار النشر: نبوغ
بطعم الجَرح والمُعاناه سَردت مشاعري
حُروفي كتبتها عشانك ياحُـضن سَكنتَه ودعني
ياطير كنت له عشَّهُ و سابني وطار
ياجِن لَبسني فـ عشقته
قسملي طريقي جنه ونار
هذا الديوان
إلي الساده الشتوين مُحبين الإكتئاب
عُشاق فيروز والست عمنا الأبنودي وصلاح جاهين
إلي الجماعه الكلاسكيين
مُدمني القهوه و النيكوتين العاشقين لرائحه المطر وقت أما ينزل علي التُراب
وحنينهم دايما للي غاب ،، راضين عن نَفسهم جدا
مع إن جُواهم خراب
هذا الكلام
إلى الناس إللي مش بتنام وطول الوقت بتفكر
إلي الخلق إللي عايشه مَرار ولسه قلبهم سُكر
هذا الكلام
لكل قلب تعبان
لاالعاشق مرتاح ولا إللي فارق سعيد
لا الغائب هيرجع ولا الذكريات بتتنسي
ولا حد هيحس باللي إنت بتحس بيه
ولا حد يستحق الثقه وطول ماقلبك في صدرك
وعينك تقدر تبطل دموع يبقي حياتك ملكك
ومش هتقف علي حد الحياه مستمره
سواء زعلنا أو فرحنا
الخُلاصه
مشاعرك بيها هتعدي
هتفرح وقتها .. لكن
هيجي يوم هتتغير وهتصَدي
سواء دَمعه سواء فرحه فـ كله برضوا بيعدي
قلوبنا بس بتعافر وأخرتها بنتفارق
وإحساسك يمُوت كافر
..
كل واحد فينا عايش علي أمل
اللي من حبال الحب داب
واللي قاعد يبكي مستني اللي غاب
فـ إللي شاف الحب من برا الإزاز .. ده إللي فاز