المكان: ترب الغفير
الساعة :السادسة صباحا
حيث تحرك النقيب كريم الطيب لبحث بلاغ قدم لقسم ثان مدينة نصر من التربي نصر عبد التواب بوجود جثتين في تربة تابعة لمنطقته .
وصل النقيب كريم الي التربة الواقع بها البلاغ حيث احضر معه سيارة اسعاف حملت الجثتين وطلب من العساكر وامناء الشرطة عدم لمس اي شيئ وصرف اي تجمع لحين وصول خبراء المعمل الجنائي لمنطقة الحادث واخذ التربي وفتح معه تحقيق
النفيب كريم:اسمك ايه
التربي:نصر عبد التواب حسنين عبد الصمد
النقيب كريم :اكتشفت الجثث امتي
التربي:بعد صلاة الفجر علطول اصل بعت الواد محروس ابني الكبير الساعة 12 بليل يتمم علي كل الترب والحواش اللي تبعنا ليكون باب مفتوح كده ولا كده
النقيب كريم :وهو عادي يعني ان انت تسيب باب تربة مفتوح
التربي: لا ياباشا اصل النهاردة نزل ميت لعيلة الحاج ماهر في التربة دي فالظاهر اني نسيت بابها موارب او مفتوح الله اعلم
النقيب كريم :وانت متعود تفتح ابواب الترب في الفجر
التربي:لا ياباشا احنا بنفتح باب التربة لما يكون في ميت عشان تتهوي وبنرش مياه طول اليوم علي المدفن علشان لو المرحوم بيتعذب نهون عليه شوية
النقيب كريم : وعملت ايه لما اكتشفت الجثتين
التربي : قلبتهم يمين وشمال لقيتهم واحد قاطع النفس والتاني مقتول قولت مابدهاش واتصلت بيكم
النقيب كريم :انت تعرف حد فيهم
التربي:الواد عاشور ابن اسماعيل الاعور ده واد بلطجي كان بيسرق الناس وانا طردته من هنا قبل كده وقولتله ميجيش تاني بس معرفش ايه اللي جابه اللية دي
النقيب كريم :طيب ياعم نصر شكرا ولما نحتاجك في القسم هنكلمك.
ترك النقيب كريم عم نصر وحضر حين وصل خبراء المعمل الجنائي الي مقر الحادث وتاكد من انتهاء عملهم وامر عم نصر بعدم اقتراب اي احد من التربة ثم ذهب رفقة سيارة الاسعاف للتاكد ان الجثث وصلت الي الطبيب الشرعي واوصاه باعداد تقرير في اقرب وقت.
الساعة الخامسة مساءا
وصل النقيب كريم الي القسم واخبره زميله الملازم اشرف بالتوجه الي غرفة نائب المامور لاطلاعه علي المستجدات
دخل النقيب كريم الي غرفة نائب المامور المقدم امجد رشوان
المقدم امجد :ايه الاخبار ياكريم
النقيب كريم : كارثة يافندم اللي مات جوه التربة هو رجل الاعمال سيف الاحمدي صاحب شركات احمدي جروب انا مرضتش اعمل ضجة عشان الصحافة متخدش خبر
المقدم امجد : انت عارف ايه اللي ممكن يحصل لو الخبر ده انتشر انت عارف دايرة علاقات سيف الاحمدي احنا لازم نخلص القضية دي بسرعة انت سالت التربي
النقيب كريم :سالته قال انه كان في ميت نزل في التربة يوم الحادث وهو نسي باب التربة مفتوح وبعت ابنه الساعة 12 يتاكد من ان الباب مقفول الواد قفل الباب علي سيف الاحمدي واللي معاه
المقدم امجد: ومين اللي كان معاه في التربة
النقيب كريم : بلطجي له 3 سوابق سرقة بالاكراه اسمه عاشور اسماعيل السنوسي الغريبة بقي ان اني في طلق ناري في كتف سيف الاحمدي والسلاح الموجود كان مطواة بتاعة البطلجي
المقدم امجد: مش وارد يكون بتاع سيف الاحمدي رجل اعمال اكيد شايل سلاح
النقيب كريم : مظنش يافندم لان بتفتيش موقع الحادث مكانش فيه فارغ للرصاص
المقدم امجد : يبقي السيناريو المتوقع هو وصول سيف الاحمدي للترب في حدود الساعة 11 او 11.5 اصطدم بالبلطجي نشأ بينهم مشادة ادت ان الاتنين يمسكوا في بعض استمر الشجار لحد اما البلطجي زق سيف جوه القبر المفتوح سيف عمل مغم عليه لحد اما عاشور نزله قام سيف هجم عليه خطف منه المطواة وغرزها في قلبه جه الواد ابن التربي افتكر اني فيه عفريت او جن بدل اما يتطمن علي التربة قفل الباب عليهم الاتنين وجري بس كده فاضل سؤالين ايه اللي جاب سيف الاحمدي الترب في ساعة زي دي ومين اللي اطلق العيار الناري علي سيف الاحمدي عارف ياكريم ايه اللي يحل القضية دي
النقيب كريم : ايه يافندم
المقدم امجد : متهم يعترف علي نفسه اني هو اللي اطلق النار علي سيف الاحمدي
في اليوم التالي
دخل النقيب كريم الي غرفة نائب المامور مهرولا
المقدم امجد : خير يا كريم في جديد في القضية
النقيب كريم : مش حضرتك كنت عايز متهم عشان القضية
تتقفل انا عندي في مكتبي تلات متهمات معترفين انهم قتلوا سيف الاحمدي بس المشكلة اني كل واحدة مصرة اني هي اللي قتلته وكل واحد مسمياه اسم مختلف غير سيف الاحمدي
المتهمة الاولي جميلة عبد الفتاح حمدان وبتقول اني اسمه ماهر السنوسي
المتهمة التانية ريم الاسعدي وبتقول اني اسمه يوسف مهران
المتهمة الثالثة روان جمال وبتقول اني اسمة اسامة الطحان
المقدم امجد :طب مستني ايه هاتهم علي مكتبي ودخلهم واحدة واحدة حالا
النقيب كريم :تمام يافندم
__________________________________________
الجزء الثاني (حكاية جميلة)
كاد النقيب كريم ان يخرج من باب المكتب الا ان المقدم امجد استوقفه
المقدم امجد:استني ياكريم قول اسامي المتهمات تاني كده
النقيب كريم مستغربا :جميلة عبد الفتاح حمدان
المقدم امجد :جميلة حمدان سيدة الاعمال المشهورة
النقيب كريم :انا معرفش انها سيدة اعمال
المقدم امجد :ولا انا كنت اعرف لحد اما عرفت انهم في الوزارة عملوا تحريات عنها وهيقدموا تقرير عنها للرقابة الادارية والاموال العامة
النقيب كريم :ده ليه
المقدم امجد :هحكيلك بص ياعم كريم ابو جميلة رجل الاعمال عبد الفتاح حمدان كان عندوا شركة بتضارب في البورصة وكان اشهر رجل اعمال لحد اما الشركة بتاعته اشترت اسهم مصنع السكر اللي بيخسر بسبب سوء جودة المنتج جه الراجل ده بكل راس مال الشركة اشتري الاسهم دي طبعا الشركة فلست والراجل مات بجلطة قلبية جت بنته بعد اما ابوها مات عملت حركة تخلي اي حد يعجب بذكائها كان ليها حساب بره في بنك فرنسي مبلغ مش بطال حولته علي هنا وسحبته من البنك وختله راس مال الشركة واشترت براس مال الشركة كله بيتكوين وربطت الاسهم الخسرانة براس مال الشركة ودخلت بالاسهم دي في بورصة البيتكوين اللي هي طبعا غير شرعية وبكده حمت الاسهم من تقلبات الدولار قصاد الجنيه وبقت الاسهم مرتبطة بالبيتكوين لو علي اسهم الشركة هتبقي في السما ولو نزل الشركة تفلس ولان حظها حلو البيتكوين سجل ارتفاع فالاسهم عليت باعت اسهم المصنع لشركة اجنبية في بورصة البيتكوين وباعت البيتكوين وحولته لفلوس ورجعت تضارب بالمكاسب بتاعتها في البورصة بتاعتنا ورجعت راس مال الشركة اكتر من الاول.
النقيب كريم :وده ايه الغلط فيه يافندم
المقدم امجد :الغلط انك بتهد اقتصاد الدول وبتدمر العملات بتاعتها لو العالم كله اتجه للبيتكوين اقتصاد العالم كله هيبقي في ايد فئة معينة اللي هما اخترعوا الفكرة دي فهمت كمل المتهمة التانية مين
النقيب كريم :ريم الاسعدي
المقدم امجد :دي كانت صاحبة شركة بناء ومشروعات الشركة دي اختفت ومين الثالثة بقي
النقيىب كريم : روان جمال مش دي الصحفية المشهورة ومقدمة البرامج
المقدم امجد :وصاحبة جورنال الحقيقة اللي اتقفل انا عارف ان القضية دي مش هتعدي علي خير اسمع ياكريم نبه علي كل اللي في القسم ان محدش يتكلم معاهم ولا يقولهم سيف الاحمدي مات ازاي لو واحدة منهم عرفت انه مات بسبب اختناق القضية دي مش هتتحل احنا مش هينفع نحقق معاهم النهاردة طبعا انت سايبهم في الاستيفا
النقيب كريم :ننزلهم الحجز يعني
المقدم امجد: ودول شكل ناس تنزل الحجز دول ياكلوهم ياكريم جميلة حمدان تبات في اوضة المامور وتجيبهالي بكرة الصبح وريم الاسعدي تبات في اوضة الظابط النباطشي وروان جمال تبات في اوضتي واي حاجة يطلوبها تيجي ماعدا الموبيلات ياكريم سامع ماعدا الموبيلات انا وصيت الملازم اشرف بعمل تحريات كاملة عن سيف الاحمدي من يوم اما اتولد لحد اما مات عايزين نعرف اسمه الحقيقي انا هروح عشان ارتب افكاري
النقيب كريم :صح يافندم وانا كمان هروح عشان منمتش من امبارح
المقدم امجد: لا انت يا بطل هستني اذن النيابة وتاخد قوة من المباحث والمعمل الجنائي وتروحوا فيلا سيف الاحمدي عشان اكيد فيها حاجات هتساعدنا في حل القضية اصل انا بعت للنيابة تطلع اذن عشان نخش فيلا سيف
النقيب كريم : (كان جالي منين ده)
المقدم امجد :بتقول حاجة ياكريم
النقيب كريم :لا بقول تمام فندم
في اليوم التالي
دخل المقدم امجد الي مكتب وامر الامين مرعي باحضار جميلة حمدان الي مكتبه دخلت المكتب فتاة ملابسها فخمة الي ان شكل الملابس لم يكن جيدا بسبب الكرمشة شعرها اسود ناعم وبشرتها بيضاء جسدها متناسق جدا انها اسم علي مسمي جميلة يفوح منها عطر يجعل الرجال ترحل من المكان في الواقع انها رائحة الاستيفا ليس الا
المقدم امجد:اتفضلي اقعدي
جميلة :شكرا
المقدم امجد:تشربي ايه
جميلة:ليمون ياريت
نادي المقدم امجد علي العسكري الواقف بالخارج يا عسكري هات ليمون وقهوة سادة بن تقيل واقفل الباب
العسكري:تمام يا فندم
خرج العسكري واغلق الباب علي جميلة والمقدم امجد
المقدم امجد :الاسم
جميلة : جميلة عبد الفتاح حمدان علي
المقدم امجد: السن
جميلة :38 سنة
المقدم امجد :قتلتي سيف الاحمدي ليه وازاي
جميلة :هو ما اسموش سيف الاحمدي الاسم ده مزور اسمه الحقيقي ماهر السنوسي انا هحكي كل حاجة انا قبلت ماهر ايام اما كنت بدرس اقتصاد في جامعة باريس في اخر سنة في الجامعةكنت بقعد في مطعم كان هو الجرسون اللي بيقدملي الطلبات بصراحة شدني ليه شكله هو كان شعره بني ناعم وعينه خضرا وجسمه متناسق وبدقن ناعمة وطويل كنت فكراه فرنساوي كنت باجي المعطم عشان يقدملي الطلبات بس لحد اما كنت بتناقش مع واحد من زميلي في الكلية والنقاش قلب بخناقة لقيته جاي بيجري من بعيد وضرب اللي كان بيزعقلي فرحت لما شوفته بعديها قعدت معاه عرفت انه جاي فرنسا منحة من الكلية و بيشتغل عشان يعرف يدرس لان فلوس المنحة مش كفاية كلمته وكلمني وعجبني انه طموح وفضلنا نتقابل لحد اما اعترفلي بحبه طبعا انا كنت بحكي لبابا دايما عنه ولما خلصت دراسة كانت المنحة بتاعته خلصت نزلنا مصر سوا واتجوزنا ماهر كان ليه حق انه يتعين في الجامعة بس هو مرضيش واشتغل محامي لحد اما بابا في يوم تعب ونقلناه المستشفي كان عندو مشاكل في القلب بابا حس انه قرب يموت اصر اني ماهر يخش في الشركة معاه ويفهم البورصة ماهر رحب جدا بالفكرة دي وكان مبسوط لحد اما اتقن الشغل اوي وبابا مبقاش يروح الشركة كتير لحد اما في يوم وصي ماهر انه يشتري اسهم مصنع البسكوت لانها كانت بتعلي ماهر اشتري اسهم مصنع السكر وساب ياسر شكري منافسنا يشتري كل اسهم مصنع البسكوت شركة ياسر كسبت وشركتنا فلست
ولما بابا واجه ماهر ...........
عبد الفتاح حمدان :انت اشتريت ليه اسهم مصنع السكر
ماهر: حسيت ان الاسهم دي هتطلع
عبد الفتاح حمدان: انت بعتنا لياسر شكري ماهو اللي اشتري اسهم مصنع البسكوت خدت كام ياكلب
ماهر : كفاية بقي انت وبنتك ايه اشترتوني بفلوسكو ايوه بعتك لياسر وشركتك هتفلس قريب وهطلق بنتك
عبد الفتاح حمدان :اه يا واطي ياكلب طلق بنتي دلوقتي حالا اه اه اه اه اه ....................
بابا اتنقل المستشفي بس المرادي كانت الحالة خطيرة شوقي سكترير بابا بلغني ولما وصلت المستشفي......
جميلة :ماهر فين ياشوقي
شوقي :ماهر مشي من الشركة بعد اما بعنا لياسر شكري الشركة بتقع يا مدام جميلة
سبت شوقي زي المجنونة وجريت علي بابا اترمي في حضنه زي زمان لما دخلت العناية المركزة استاذنت الدكتور اني اتكلم معاه..
عبد الفتاح حمدان :بنتي انا اسف اني معرفتش اختارلك الزوج اللي يحافظ عليكي ماتسبيش الشركة تقع يا جميلة الشركة ياجميلة الشركة...
جميلة:باباه باباااااااااااااه .......
وحلفت اني لازم اخلي الشركة تقوم الاول بعد كده اخد بطاره من اللي كان السبب في موته كنت بحاول اتابع اخباره ولكنه اختفي وبعد كده ظهر باسم سيف الاحمدي جبت الخدامة بتاعته وكتبتلها شيك بنص مليون جنيه مقابل ان هي تحط له السم في العصير وبعد اما نفذت استنيت ربع ساعة لحد اما السم مفعوله يشتغل بعد كده كلمته في التليفون.......
سيف : الو مين معايا
جميلة : معقولة نسيت صوتي ياماهر
سيف :جميلة انتي جبتي رقمي منين
جميلة :مش مهم العصير اللي انت شربته كان فيه سم من قتل يقتل يا سيف بيه
سيف: انت بتقولي ايه لاء لاء لاء لا لا لا .......
انتقمت لبابا
المقدم امجد :اسمها ايه الشغالة
جميلة:رقية حمدي
في تلك اللحظة دخل العسكري بالليمون والقهوة
المقدم امجد: حطهم عندك يابني وخد مدام جميلة وخليها تشرب الليمون بره متخافيش يا مدام ده مفهوش سم
خرجت جميلة حمدان من مكتب المقدم امجد ودخل النقيب كريم الي المكتب
المقدم امجد :عملت ايه ياكريم لقيت اكيد مادة سامة في مطبخ الفيلا واثار مادة سامة في كوباية العصير
النقيب كريم :حضرتك عرفت منين
المقدم امجد :جميلة هي اللي سمت سيف
النقيب كريم :طب فيه مفاجاة يافندم غير متوقعة
المقدم امجد:اكيد لاقيت فارغ الرصاص في الفيلا كريم عايزك تجبلي الشغالة بتاعة سيف الاحمدي اسمها رقية حمدي تكون عندي خلال 24 ساعة البت دي هتحل لغز في القضية
النقيب كريم :تمام يافندم
المقدم امجد :بس برضو ياكريم لسه معرفناش اجابة السوالين ايه اللي وده سيف الترب في الوقت ده ومين اللي ضرب العيار الناري علي سيف الاحمدي تفتكر ياكريم مين اللي ضربه بالنار
_________________________________
الجزء الثالث (حكاية ريم)
في اليوم التالي (مكتب المقدم امجد)
المقدم امجد: لا عنف ايه يا فندم حاضر يافندم الوضع تحت السيطرة انا متحفظ عليهم وبعمل التحقيقات بنفسي وهبلغ حضرتك المستجدات اول باول تمام يافندم سلامة الله .
دخل النقيب كريم الي المكتب
النقيب كريم : حضرتك خلصت التليفون
المقدم امجد :انت عارف ده مين
النقيب كريم :مين يافندم
المقدم امجد :ده مساعد الوزير الوزارة خدت خبر بالقضية ده معناه ان الصحافة هتطالب بحقها في النشر ولو الصحافة نشرت القضية هتبوظ لان التلات متهمات ميعرفوش اني سيف الاحمدي مات باختناق.
النقيب كريم : طب يافندم ماهو ممكن واحدة فيهم تطلب المحامي بتاعها وساعتها هتعرف
المقدم امجد :الكلام ده لو جين متهمين يعني احنا اللي قبضنا عليهم انما هما جايين معترفين كل واحدة فيهم هتفتكر المحامي بتاعها في النيابة لما الموضوع يدخل في الجد فهمت.....جبت الخدامة
النقيب كريم :مستنية بره يا فندم
المقدم امجد :دخلها واقفل علينا
النقيب كريم :تمام يافندم
دخلت من الباب رقية حمدي الخادمة امرأة عادية ترتدي جلباب وزنها سمين عبثت بوجها ببعض البودرة و المكياج يبدو انها كانت علي وشك قضاء سهرة مع ابو العيال ولكن اتت الشرطة لتمنع تلك الجريمة التي تودي الي الانفجار السكاني... همت رقية بالجلوس علي الكرسي الموجود امام المكتب
المقدم امجد:قومي يابت انتي جاية تتضايفي هنا
قامت رقية مفزوعة من مكانها
المقدم امجد: قتلتي سيف الاحمدي ليه
رقية :محصلش ياباشا انا معرفش حد بالاسم ده
المقدم امجد :بصي بقي شغل اللف والدوران ده مش عليا جميلة حمدان اعترفت انها اديتك نص مليون جنيه مقابل انك تحطي السم لسيف الاحمدي في العصير انتي عارفة جميلة حمدان ممكن تدفع كام عشان تخرج منها وانتي اللي تشيلي الليلة فتجي دغوري هقف جنبك هتستهبلي هشيلك اللية لوحدك وهروح بيتنا وانام وانا ضميري مرتاح قولتي ايه
رقية :انا تحت امرك ياباشا
المقدم امجد : انا عايز اعرف بعد اما حطيتي السم خرجتي ازاي
رقية :انا الميعاد اللي بروح فيه مكانش لسه جه فقولت لازم اهرب وانا ماشية البيه جاله تليفون من الست جميلة ساعتها جريت ولقيت اني الحراسة كلها اللي في الفيلا مكانتش موجودة فكان سهل اني اهرب.
ضرب المقدم امجد الجرس ليحضر العسكري
المقدم امجد :خد البت دي وحطها في الحجز
العسكري :تمام يافندم
اخذ العسكري رقية من المكتب وكان ينتظر الملازم اشرف في الخارج
الملازم اشرف :ادخل يا فندم
المقدم امجد :اتفضل يا اشرف
دخل الملازم اشرف الي المكتب
المقدم امجد :فرحني انك خلصت التحريات عن سيف الاحمدي
الملازم اشرف :لسه يافندم بس في اقرب وقت هخلصها هي التحريات عنه صعبة نظرا لانه يمتلك اكتر من اسم واحنا عايزين نعرف مين فيهم الحقيقي
المقدم امجد :مفيش وقت التحريات تنتهي بسرعة كنت جاي ليه
الملازم اشرف :ده تقرير الطب الشرعي يا فندم
المقدم امجد :طب سيبه واتفضل
الملازم اشرف :تمام يافندم
انصرف الملازم اشرف وبدء المقدم امجد في قراءة تقرير الطبيب الشرعي ...
استلمت انا الدكتور احمد كمال جثة سيف الاحمدي يوم الخميس الموافق 12/4 وقدقمت بتشريح الجثة وقد تبين الاتي : وجود كدمات في كامل الجسد يرجح انها بسبب اصطدام وبتشريح الكتف الايسر وجد اثر لعيار ناري اخترق الكتف وسبب جرح غائر وبتشريح باقي الجسم وجد اثار مواد حامضية وسموم بالمعدة وبتحليل الدم وجد اثار لسموم ومواد كميائية تساعد علي القئ تبين انه بسبب محقن غرز في الذراع الايمن للمتوفي اما عن سبب الوفاة فانه بسبب اختناق وضيق تنفس ادي لتوقف عضلة القلب عن العمل يرجع ذلك لوجوده في مكان مغلق بدون اكسجين لمدة تزيد عن اربع ساعات
التوقيع:د/احمد كمال
انتهي المقدم امجد من قراءة تقرير الطب الشرعي وطلب النقيب كريم
النقيب كريم :خير يافندم
المقدم امجد :تقرير الطب الشرعي وصل وانا قريته التقرير بيقول انه كان فيه كدمات في جسم سيف الاحمدي كله نتيجة اصطدام
النقيب كريم :ماهو ممكن يكون الكدمات ديه بسبب سلالم القبر لما عاشور زقه
المقدم :وكمان رقية الخدامة قالت انها لما هربت مالقتش اي حد من طقم الحراسه في الفيلا
النقيب كريم :ممكن جميلة دفعت علشان يسيبوا الفيلا وسيف ميلاقيش حد يلحقه
المقدم امجد:ماشي كلامك صح بس فيه لغز برضو هاتلي ريم الاسعدي علي مكتبي
النقيب كريم :تمام يافندم
احضر النقيب كريم ريم الاسعدي الي مكتب نائب المامور
دخلت من باب المكتب امراة تتميز بجمال رقيق بيضاء البشرة تلف شعرها باستيك احمر مما يضفي علي جمالها نوعا من الانوثة جسدها نحيل فرنسي ترتدي بلوزة وبنطال وجاكت تحسبها من الوهلة الاولي محققة من المسلسلات الامريكية
المقدم امجد: اتفضلي تشربي ايه
ريم :مفيش داعي
المقدم امجد :ماشي اقفل الباب ياكريم
اغلق كريم باب المكتب
المقدم امجد: انتي اعترفتي انك قتلتي سيف الاحمدي قتلتيه ازاي
ريم :انا هحكيلك كل حاجة انا اصلا من اسكندرية خريجة كلية هندسة بابا وماما منفصلين بابا رجع القاهرة بعد الانفصال وماما فضلت في اسكندرية وساعديتني اني بعد التخرج افتح شركة مقاولات وسميت الشركة باسمها الوفاء للمقاولات كنت بعمل مشروعات بناء وباخد عمليات من شركات تانية سواء في الاسكندرية او القاهرة ماما قبل اما تموت كتبت الشركة باسمي كبرت الشركة لحد اما بقي ليها اسم في سوق المقاولات بس عدت فترة صعبة علي الشركة كنا مش عارفين ناخد مناقصة واحدة حتي لو اشترينا المظاريف قبل اما اللجنة تفتحها كانت الشركات بتنزل في السعر قوي عشان العطي يرسي عليها ولاننا بنشتغل بجودة احسن من الشركات وبخامات بناء انضف مكانش ينفع ننزل في السعر لحد اما سمعت اني شركة مهران للمقاولات صاحبها يوسف مهران بتاخد معظم المناقصات اللي في البلد وبسعر قليل وبتعمل نفس شغلنا قولت اروح اقابل صاحب الشركة ولو كده ادفع له ونقسم المناقصات علينا وافهم بيعمل ده ازاي عرفت اني الشركة دي في اسكندرية برضو روحت وقابلت صاحب الشركة كان شاب شعره بني ناعم وعينه خضرا وجسمه متناسق وبدقن ناعمة وطويل اعجبت بيه من اول نظرة بس مبينتش المهم اتكلمنا وقالي انو معجب بشغل شركتنا و ابتديت اعرض عليه اننا نقسم المناقصات بينا وافق وقالي..
يوسف : علي فكرة انا فاهم انك بتعملي شغل نضيف مقابل مبالغ قليلة من الدولة ده عشان اسم الشركة وبتعوضيها في العمليات اللي بتيجي من الشركات التانية (الكوبري) ودي شركات اصحابها ناس كبار بيا خدوا مشروعات من الحكومة بمبالغ ضخمة ويدوها لشركات تانية من الباطن تخلصها انا بقي ممكن اخليكي تكسبي من هنا ومن هنا
ريم :وده ازاي بقي
يوسف:انت هتطرحي العرض بتاعك اقل عرض بعد اما تشتري المظاريف طبعا العطي هيرسي عليكي هتجيبي نص خامات البناء بس وتخلي العمال يشتغلوا وبعد اربع شهور في المشروع هتتصلي بالمسئول تقوليله ان خامات البني خلصت من عندك واني عندك ازمة مالية في الشركة ومش هتعرفي تجيبي خامات تاني المسئول علشان يداري هيديكي خامات بناء مدعمة ومن مصانع الدولة وهيعملك اجل للسداد حق الخامات خلصي المشروع وادفعي حق الخامات والباقي ده مكسبك
ريم : حلوة دماغك علي فكرة وانت بقي بتعمل كده
يوسف :لا انا بدفع للمسئول يجبلي هو خامات البناء كلها من مصانع الدولة
عجبيتني دماغه اتقابلنا مرة واتنين بره الشغل وبعد كده قالي انه بيحبني واتجوزنا ..
بعد الجواز بسنتين قالي انه الضرايب عاملة عليه مبلغ جزافي ومش عارف يعمل ايه في المصيبة دي اقترحت عليه اننا ندمج الشركات وبكده الضرايب هتتوزع علينا وانا اعمل استشكال فنص الضرايب هتتشال من علي الشركة ونجدول النص التاني وافق والمشكلة عدت لحد بعد ثلاث سنين كان واخد مشروع قرية كاملة في العجمي شركتنا هتعملعها لحد اما جاله صبري المساعد بتاعه في مكتبه في الشركة........
يوسف : بتقول ايه يا صبري المبني الاداري و الكوبري اللي بيوصل للقرية وقع ازاي يا صبري
صبري : الخامات كانت مغشوشة
يوسف :وانا قولت الغش في الخامات مبيكنش في الاساسات ولا التشطيبات يابهايهم
صبري :اللي حصل بقي
يوسف اللي حصل ايه زمان الوزير عرف وهيسحب مننا المشروع انا حاطط راس مال الشركة كله في المشروع ده خراب بيوت الشركة وقعت
صبري:وهنعمل ايه ياباشا
يوسف :شوفلي مشتري للشركة ولم كل الفلوس الباقية وحولها علي الحسابات اللي بره
صبري :حصل ياباشا بس مدام ريم مش هتوافق
يوسف : مدام ريم موقعة توكيل عام يعني مالهاش حاجة نفذ يا صبري
صبري :حاضر يا باشا .......
في يوم كلمني وقالي اننا لازم نبيع الشركة رفضت وقولتله انها شركتي وورثي من ماما ومش هبيعها
وفي يوم كنت داخلة الشركة لاقيت الامن بيمنعوني
ريم :يا يوسف يا يوسف
يوسف :انتي جاية تعملي ايه هنا
ريم :انت مجنون انا جاية شركتي
يوسف :كانت شركتك ابقي خدي بالك وانتي بتوقعي ورق بعد كده انتي موقعة توكيل عام وانا بعت لنفسي يا امن طلعوها بره
ريم :هنتقم منك يا يوسف والله لاقتلك والله لاقتلك سيبوني
وطردوني بره شركتي ويوسف باع الشركة واختفي اضطريت اروح لبابا القاهرة ولما عرف ساعدني وفتحلي شركة صغيرة وبعت شقتي في اسكندرية وعشت مع بابا لكني حلفت اني لازم انتقم منه كنت بدور عليه طول السنين اللي فاتت دي لحد اما ظهر باسم سيف الاحمدي دفعت لرشيد قائد حرس سيف الاحمدي عشان يفضوا الفيلا وقت اما اجي
المقدم امجد :دفعتي له كام واسمه ايه
ريم :مليون جنيه واسمه رشيد سالم
المقدم امجد :كملي
ريم: دخلت الفيلا لقيت الفيلا فاضية حتي الخدامة مش موجودة لقيت يوسف وشه اصفر ومش وعارف يقف شافني ابتدي يقوم
سيف :ريم اطلبلي الاسعاف انا هعوضك عن كل حاجة خدي كل فلوسي بس ابوس ايدك اطلبي الاسعاف و الحقيني
طلعت المسدس من معايا وقولتله اتشاهد علي روحك زق ايدي واهو بيزقني طلعت طلقة من المسدس جت في قلبه انتقمت منه انا ندمت اني في يوم اتعرفت عليه
قام المقدم امجد برن الجرس للعسكري دخل العسكري المكتب
المقدم امجد :خد مدام ريم لاوضة الظابط النباطشي
خرجت ريم برفقة العسكري من المكتب ودخل النقيب كريم
النقيب كريم :ايه الاخبار يا فندم
المقدم امجد: ريم الاسعدي هي صاحبة العيار الناري اللي في كتف سيف الاحمدي خلاص القضية قربت تتحل مش فاضل غير اننا نعرف ايه اللي جاب سيف الاحمدي الترب في الوقت ده
__________________________________
الجزء الرابع (حكاية روان)
اليوم التالي(مكتب المقدم امجد رشوان)
حيث كان يتواجد النقيب كريم في مكتب المقدم امجد
المقدم امجد: اخبار التحريات عن رشيد سالم ايه
النقيب كريم :تمام يافندم اسمه رشيد سالم كان ظابط في الداخلية وقدم استقالته بعد 5 سنين واشتغل في شركة امن
المقدم امجد :طب مستني ايه يا كريم تروح تجيبه حالا
النقيب كريم :تمام يافندم
بعد مرور ثلاث ساعات
كان النقيب كريم قد احضر رشيد سالم قائد حرس سيف الاحمدي الي القسم وادخله مكتب نائب المامور وجلس معه المقدم امجد ليفتح معه تحقيقا :
المقدم امجد :اسمك
رشيد: رشيد احمد ناصر سالم
المقدم امجد: السن
رشيد: 37 سنة
المقدم امجد: انت سبت فيلا سيف الاحمدي بعد اما ريم الاسعدي اديتك مليون جنيه علشان تدخل هي تنفذ جريمتها يعني مساهم في الجريمة دي
رشيد: محصلش الكلام ده انا مسبتش الفيلا
المقدم امجد: بص بقي يا رشيد انا رعيت انك كنت ظابط سابق في الداخلية وبعاملك باحترام انما هتلف وتدور عليا هزعلك ريم الاسعدي اعترفت وكمان الشغالة شاهدة عليك انك سبت الفيلا فتيجي دوغري معايا احسن
رشيد: انت عايز ايه
المقدم امجد: انت ليك خبرة في الداخلية والامن عايزك تقولي وانت بتسيب الفيلا مكانش فيه حركة غريبة جوه او بره الفيلا غير ريم
رشيد: ريم اتفقت معايا انها هتيجي علي الساعة 10.5 تنفذ فانا خليت الفيلا علي الساعة 10 بس فيه حاجة لما طقم الحراسة مشي انا نسيت موبايلي في الفيلا لما رجعت اجيب الموبايل شوفت عربية شكلها غريب مستنية بره الفيلا بصيت في العربية ملقتش حد قولت ادخل اجيب الموبايل وامشي وانا طالع من الفيلا شوفت حد جوه الفيلا انا قولت انه اكيد حرامي بس حظه وحش انه هيلاقي قتيل في الفيلا.
المقدم امجد : احب اقول لسيادتك ان سيف الاحمدي مات باختناق مش مقتول طبعا انا هتحفظ عليك لحد اما نشوف النيابة هتعمل معاك ايه
رن المقدم سيف الجرس فدخل الامين مرعي فامره ان ياخذ رشيد ويلقي به في الحجز لحين عرضه علي النيابة.
________________________________
اليوم التالي (مكتب المقدم امجد رشوان)
النقيب كريم :وايه يافندم الاستفادة من كلام رشيد
المقدم امجد: الاستفادة اني عرفت ازاي سيف الاحمدي وصل الترب بس باقي اني اسمعها من روان جمال
النقيب كريم : طب وسيف الاحمدي وصل الترب ازاي
المقدم امجد : هقولك بس بعد اما اخلص التحقيق مع روان يلا روح هاتها من الاستيفا
انصرف النقيب كريم وهو يتمتم بكلمات يعبر بها عن غيظه وذهب الي الاستيفا ليحضر روان جمال .
_________________________________
دخلت مكتب المقدم امجد امرأة ترتدي فستانا شعرها اسود مموج بشرتها بيضاءعيناها خضراء جسدها ممتلئ قليلا مما اضفي جمالا لخصرها وقوامها الذي به العديد من المنحنيات من الوهلة الاولي التي تراها سوف تطيل النظر ليس لوجها الصافي الجميل انما لجسدها الذي يحفز الغريزة لدي الرجال......
امر المقدم امجد النقيب كريم ان يغلق الباب عليهم اغلق النقيب كريم الباب وهو يقول يا بختك
المقدم امجد : اتفضلي حضرتك
جلست روان علي الكرسي المقابل للمقدم امجد قائلة
روان : اظن دي مش معاملة تعاملوني بيها انا هرفع الموضوع ده لاكبر مسئول في الدولة....
المقدم امجد: اظن ان حضرتك بتتعاملي احسن معاملة المفروض اني كنت انزلك الحجز من اول اما جيتي انما انا خليتك تباتي في مكتبي تحبي نمشي قانوني ونتعامل بالقانون
روان : انا مش قصدي بس انا كنت عايزة معاملة احسن من كده
المقدم امجد : تشربي ايه
روان : ياريت قهوة سادة
طلب المقدم امجد العسكري الواقف بالخارج وقال له
المقدم امجد: هاتلنا يابني اتنين قهوة سادة واقفل الباب
انصرف العسكري بعد ان احضر القهوة واغلق الباب فبادر المقدم امجد روان قائلا
المقدم امجد: انتي متهمة بقتل رجل الاعمال سيف الاحمدي
روان جمال: ده كدب اسمه مش سيف اسمه الحقيقي اسامة الطحان انا هحكيلك انا كنت قاعدة في الجورنال بتاعي لحد اما اتصل بيا مرتضي الدراع اليمين لاسامة وقالي ان في مجموعة قنوات هتفتح جديد وان صاحب القنوات دي عايزني ابقي رئيس مجلس الادارة لمجموعة القنوات دي واداني ميعاد في شركة الطحان جروب روحت الشركة استقبلني مرتضي ودخلت المكتب افتكرت ان صاحب القنوات دي هيكون راجل كبير في السن بس لقيته شاب شعره بني ناعم وعينه خضرا وجسمه متناسق وبدقن ناعمة فضل متنح كده وانا فضلت متنحة لحد اما قالي انه كان مسافر بره هو وابوه انجلترا وبعد اما ابوه توفي صفي كل املاك ابوه في انجلترا وجيه هنا وقرر انه يفتح مجموعة قنوات ولانه مش بيفهم في الميديا قال يجيب شخصية مشهورة وبتفهم في الميديا هي اللي تدير مجموعة القنوات دي وتبقي ظاهرة قدام الناس لانه مش بيحب الشهرة وكده طبعا علشان المبلغ الكبير اللي كان عارضه وافقت و اداني العقد وقعته واداني الشيك وحدد معايا ميعاد عشان نناقش خطة القنوات لما تفتح وانهي فئة مستهدفة من القناة سلم عليا وتبت في ايدي حسيته كان عايز يقولي بحبك المهم مشيت وجيت في الميعاد و ابتديت اساله
روان : انا طبعا عملت اعلان عن قنواتك في الجورنال بتاعي بس انا مش عارفة هنفتح كام قناة
اسامة : بصي اولا احنا هنفتح قناة اخبارية وقناة للافلام وقناة للمسلسلات وقناة رياضية انا عايز نخبة من المع المذيعين في البلد للقناة الاخبارية والرياضية وفي حاجة كمان انتي هتعملي برنامج علي القناة الاخبارية وبعقد 6 مليون في السنة
روان : بس انا معملتش برامج قبل كده
اسامة : هتعملي اخليكي نجمة القناة قولتي ايه
روان : موافقة وبالنسبة لقناة الافلام احنا هنشتري افلام جديدة ونعرض الجديد جنب القديم والقناة الرياضية هنشتري حقوق بث الدوري المصري
اسامة : تدفعي كام لو قولتلك افكار احلي من اللي انتي بتقوليها
روان : ادفع ايه انا جاية اقبض
اسامة : بصي ياستي القناة الاخبارية هنعمل فيها نشرة الساعة 5 بليل وهنجيب شباب هما اللي يقدموها وبرنامج تحليلي للاحداث من الساعة 1 للساعة 4 وبرنامج صباح الخير من 7الصبح لحد الساعة 12 وبرنامج لاعلامي كبير من الساعة 6 للساعة 9 وبرنامجك هيكون اسمه الحقيقة وهيكون من الساعة 9 للساعة 12 اما قناة الافلام انا مش هعرض افلام قديمة انا هشتري افلام جديدة وكمان في افلام اتعملت ومحدش شافها سواء جمهورها كان قليل او الرقابة شالتها احنا هناخد الافلام دي نلغي المشاهد اللي الرقابة شليتها بسبها ونعرض الفيلم كانه جديد ونعرض كمان الافلام الجديدة معاه اما بالنسبة لقناة الرياضة احنا هنشتري الدوري طبعا جنب اننا هنشتري حقوق بث مباريات فرقة زي برشلونة من قناة النادي بتاعهم وبكده الناس مش هتحول قنواتنا والفلوس اللي هتتصرف هترجع اضعاف من الاعلانات.
روان : لا دماغك حلوة
اسامة : طب يلا استعدي عشان افتتاح قنوات OVبعد شهر
روان : وقبل كده كمان هنكون جاهزين
طبعا القنوات اشتغلت و برنامجي مكانش مشهور برغم ان الجورنال بتاعي مشهور طبعا اسامة مسكتش عمل حلقة كسرت الدنيا وكانت من اسباب شهرتي انا والبرنامج الحلقة كانت عبارة عن مناظرة بين واحد ملحد وشيخ بس الشيخ مكانش بيفهم في الدين نصاب بمعني اصح طبعا بعد الحلقة دخلت علي اسامة مكتبه وكنت متعصبة جدا:
روان: هو البرنامج ناقص عشان تجيبلي كمان واحد نصاب علي انه شيخ ولا وكمان واحد ملحد انت عايز البرنامج والقناة يتقفلوا صح
اسامة : شايفة الحلقة اللي مش عجباكي اهو دي هي اللي هتخلي البرنامج رقم واحد علي التريند وهتعلي نسبة المشاهدة
للقناة
روان: ازاي انت بتقول اي كلام علي فكرة
اسامة : بصي علي الفيس بوك وتويتر مالهمش كلام غير عن الحلقة والبرنامج رقم واحد في التريند وبعد نص ساعة من دلوقتي هنزل اعلان للجزء الثاني للحلقة وهتكون مناظرة بين النصاب والملحدين بس المرادي هيكون في الحلقة شيخ من العلماء الكبار في الازهر وبكده الملحد هيقتنع بوجود ربنا
روان : والشاب اللي في الحلقة ده ملحد فعلا
اسامة: لا طبعا ده شاب غلبان خريج اداب فلسفة هياخد قرشين ويقول ان ملحد وياخد زيهم ويقول انه اقتنع وبكده البرنامج بتاعك يكون رقم واحد فمصر
روان : دايما تفكيرك بيعجبني
الصراحة اعجبت بيه وهو كمان كان معجب بيا واتجوزنا بعدها بشهرين قضينا مع بعض احلي سنة في عمري وبعدها قررت اني اعرفه علي رجال الاعمال اللي بتعامل معاهم رجل الاعمال اللي بيجيلي حتي لو عامل مصايب الدنيا بداري علي فضايحه واكتب عنه انه راجل البر والاحسان ويدفع 10 مليون في السنة عرفته علي عزت المنشاوي في حفلة اهم راجل اعمال في البلد بس عدت فترة كنت فاكرة اني هسيطر علي كل حاجة ابتدت خناقاتي مع اسامة تزيد وفي مرة قولتله
روان : انت فاكر نفسك ايه انا اللي عملتك وعملت قنواتك اللي انت فرحان بيها انت من غيري ولا تسوي
اسامة: هنشوف مين اللي من غير التاني ولا يسوي
طبعا ساعتها قولت لعزت المنشاوي اني هاخد 20 مليون في السنة مقابل اني اظهره كويس قدام الناس واللي معملتش حسابه ان عزت اتصل باسامة واتفقوا عليا
عزت المنشاوي: يرضيك اللي روان بتعمله ده
اسامة الطحان : روان بقت طماعة ومش عارف هي بتعمل كده ليه الصراحة انا عندي فكرة ليك بدل اما تخلي حد يتحكم فيك او جورنال انت تنقي مجموعة قنوات مشهورة تشتريهم وتخلي قناة منهم تطبلك ويبقي بفلوسك وتقول اللي انت عايزه
عزت : وفين القنوات دي
اسامة : قنواتي ياباشا انا ناويت اني ابيعهم وعايزك تخليني اسافر دولة علي مزاجك وتحولي الفلوس علي بنك هناك
عزت : ايه رايك في انجلترا
اسامة : لا حلوة ومرحتش هناك قبل كده
عزت : بس روان انا هندمها علي اليوم اللي جت فيه وهرجعها شحاتة زي اما كانت
اسامة : لا دي سيبها ليا وانا هقولك نرجعها شحاتة تاني ازاي
بعد مدة لقيت خبر في الجورنال عندي ان عزت المنشاوي مات وتاني يوم عزت رفع قضية عليا اني شهرت بيه وكنت سبب في خسارته لاسهم في البورصة ولما مسكت الصحفي اللي كتب الخبر عرفت ان اسامة هو اللي حرضه علي كده اسامة بعتلي ورقة طلاقي واتطردت من القناة و الجورنال اتقفل واتفصلت من النقابة كل حاجة راحت مني والسبب كان اسامة حلفت اني انتقم منه بس هو اختفي بعد كده ظهر باسم سيف الاحمدي لما اتاكدت اني هو اسامة اتفقت مع بلطجي انه يخلص عليه
المقدم امجد : طبعا البلطجي ده اسمه عاشور
روان: انت عرفت اسمه منين
المقدم امجد: كده انا فهمت
طلب المقدم امجد العسكري الواقف بالخارج وامره ان ياخذ روان الي الاستيفا خرجت روان من المكتب ودخل الملازم اشرف الي مكتب المقدم امجد قائلا
الملازم اشرف : تمام يافندم انا عملت كل التحريات عن سيف الاحمدي
المقدم امجد: عظيم واسمه الحقيقي طلع ايه
الملازم اشرف : سيف الاحمدي هو اسمه الحقيقي انا وصلت لاسمه بصعوبه
المقدم امجد : ووصلت لاسمه ازاي
الملازم اشرف : سيف الاحمدي كان شغال جارسون زمان في مطعم البركة في الميعادي عند واحد اسمه سامح رشاد وسرق من المطعم مبلغ 100 الف جنيه وهرب سامح قدم فيه بلاغ في النيابة بعد كده صدر حكم غيبي علي سيف من مدة قريبة سامح اتنازل عن القضية وملف القضية اختفي مكانش فاضل غير صورة من المحضر المعمول في ارشيف القسم اللي منه وصلت لسامح وهو اداني صورة البطاقة القديمة لسيف الاحمدي
ومنها وصلت لنتايج التحريات اللي قدام حضرتك
هنا دخل النقيب كريم مكتب المقدم امجد
المقدم امجد : جيت في وقتك يا كريم هاتلي روان جمال وريم الاسعدي وجميلة حمدان علي مكتبي حالا القضية اتحلت خلاص
________________________________________
الجزء الأخير (حكاية سيف الاحمدي)
( مكتب المقدم امجد رشوان)
حيث خرج النقيب كريم من المكتب واحضر كلا من ريم الاسعدي وروان جمال وجميلة حمدان من الاستيفا الي مكتب المقدم امجد بعد دخول كلا منهن امر المقدم امجد النقيب كريم والملازم اشرف ان ينصرفوا فانصرفوا واغلقوا الباب عليهم بادر المقدم امجد بالحديث قائلا...
المقدم امجد : طبعا انتوا مستغربين ليه انا جمعتكوا مع بعض وطبعا كل واحدة فيكوا فاكره انها هي اللي قتلت سيف الاحمدي وكل واحدة فيكوا قالت قصتها مع سيف اسمحولي بقي انا المرادي اللي هحكي وانتوا هتسمعوا وهعفرفكوا سيف الاحمدي مات ازاي....
روان : هو مات مش اتقتل
المقدم امجد : هتعرفي دلوقتي اتفضلوا اقعدوا
جلس كلا من روان وريم وجميلة منتظرين ما سيقوله المقدم امجد الذي اكمل قائلا.......
المقدم امجد : كان فيه طفل صغير اسمه سيف شاهين منصور الاحمدي اتولد في اسرة فقيرة ابوه كان شغال موظف علي قد حاله وامه ماتت وهو عنده 7سنيين سيف ماسبش التعليم واشتغل كل حاجة علشان يساعد ابوه بس في شغلانه كان فاهم فيها اوي و بيعملها كويس كمان ...التزوير سيف كان بيقدر يقلد اي مستخرج حكومي رسمي ويبقي زيه بالظبط ابو سيف لما عرف ان ابنه بقي مزور ضربه وحبسه في البيت وحلفه علي مصحف انه ميرجعش للسكة دي تاني فعلا سيف تاب وعدت سنيين وسيف دخل كليه حقوق وفي سنة التخرج ابو سيف توفي طبعا سيف اتاثر بوفاة والده واشتغل جارسون في مطعم البركة اللي في المعادي لحد اما يخلص دراسته سيف اتخرج بس بتقدير مقبول يعني مش هيتعين في مكان محترم ومش هيشتغل بشهادته وهيفضل طول عمره في شقي وفي يوم سيف عرف ان ماهر السنوسي صاحبه مات وهو راجع لاهله في البلد قبل نتيجة الامتحانات بشهر وان ماهر ليه حق في البعثة لفرنسا سيف لعب لعبة خطيرة سرق من المطعم اللي شغال فيه مبلغ 100 الف جنيه وراح لموظف مرتشي في الكلية اتفق معاه علي انه ياخد 20 الف منه ويحط صورته مكان صورة ماهر السنوسي في شهادة التخرج وعلي الكمبيوتر وحتي في ملف التقديم في الكلية وخلي الموظف يروح اداراة البعثات يمضيلوه ورق البعثة وسيف رجع للتزوير تاني زور باسبور وبطاقة وشهادة ميلاد باسم ماهر السنوسي وراح للسجل المدني ادي لموظف رشوة وخلاه يسجله علي الكمبيوتر وكان ميعاد البعثة جه سافر سيف علي طيارة غير طيارة البعثة لفرنسا وقرر انه يبتدي هناك من جديد بشهادة تخرج وبعثة من جامعة باريس وحياة جديدة ولما راح هناك خد سكن غير سكن البعثة لان مكانش عايز حد من زمايله يكتشف انه مش ماهر مع ان اللي في البعثة اصلا لا يعرفوا ماهر ولا حتي سيف وبسبب ان الايجار كان غالي عليه قرر يشتغل جارسون وهنا ماهر السنوسي قابل مدام جميلة عبد الفتاح حمدان وشاف ان في مصلحته انه يرجع مصر تاني بس بهيئة جديدة وصفة جديدة فعلا اتجوز مدام جميلة ورجعوا مصر بعد كدا باع عبد الفتاح حمدان عن طريق انه اشتري اسهم مصنع السكر وساب اسهم مصنع البسكويت لياسر شكري اللي اداله مبلغ محترم بعد اماسيف عرف انه السبب في موت عبد الفتاح حمدان فقرر انه يهرب علي اسكندرية وزور شهادة ميلاد وبطاقة وباسبور بس المرادي باسم يوسف مهران وفتح شركة مقاولات هناك وكان بيرشي المسئولين عشان يدولوا مواد خام للبناء مدعمة من الدولة وكان بيغش في المشروعات اللي بيعملها للدولة واتعرف علي مدام ريم اللي اتجوزها وضم شركتها لشركته وخلها توقع علي توكيل عام من غير اما تاخد بالها وبموجب التوكيل استولي علي نصيبها في الشركة ولما القرية السياحية اللي في العجمي انهار فيها المبني الاداري و الكوبري اللي بيوصل للقرية طلع قرار من الدولة بالفبض عليه طبعا كان حول كل فلوسه علي انجلترا وهرب وبعد كام سنة زور برضه بطاقة وشهادة ميلاد وباسبور بس المرادي باسم اسامة الطحان ورجع مصر وفتح مجموعة قنوات ولكن كان ساعتها يوسف مهران عليه حكم غيبي فكان لازم ان اسامه يبقي مختفي عن الانظار فدور علي شخص بيفهم في الميديا يدور القنوات ويكون هو اللي في الصورة وساعتها اتعرف علي مدام روان اللي اتجوزها ومن خلالها اتعرف علي عزت المنشاوي اللي باعله روان بعد اما اقنعه انه يشتري منه القنوات بتاعته عزت حول كل فلوس سيف علي انجلترا وبكده سيف هرب علي انجلترا تاني وبعد اما اسامة اتعرف علي كبار البلد من خلال عزت المنشاوي الحكم الغيبي بتاع قرية العجمي اختفي وحكم غيبي قديم بالسرقة علي سيف الاحمدي اختفي وقرر سيف انه يرجع بس المرادي باسمه الحقيقي سيف الاحمدي صاحب مجموعة شركات احمدي جروب وصاحب اكبر سلسة سوبر ماركت في مصر وامل الشباب في بكرة الافضل وابتدي يظهر في الاعلام لحد اما كل واحدة فيكوا قررت ان وقت الانتقام جه بس الغريبة انكوا انتقمتوا منه في يوم واحد الموضوع ابتدي بان سيف طلب من رقية الشغالة عصير برتقال لانه عنده برد وعصر عليه ليمون وشربه اتصلت بيه جميلة قالتله ان العصير فيه سم وانها انتقمت منه جري وخد حقنة للقئ لما كان بيحاول يرجع السم اللي معدته كانت ريم دفعت لرشيد قائد الحرس علشان يخلي الفيلا ويسبها تخلص علي سيف بالمسدس اللي معاها لما دخلت الفيلا لقت سيف واقع علي الارض سيف اترجها انها تطلب الاسعاف لكنها قالتله اتشاهد علي روحك حاول سيف يمنعها لكن في طلقة طلعت من المسدس جت في كتف سيف ريم افتكرت انها قتلته وهربت من الفيلا ووصل عاشور البلطجي اللي اجرته مدام روان علشان يخلص علي سيف و يفرجها عليه وهو مقتول علشان تديله باقي فلوسه دخل عاشور الفيلا لقي سيف تقريبا قاطع النفس بس اللي ميعرفوش ان سيف كان مغم عليه بعد الرصاصة اللي خدها في كتفه خده زي اما هو في العربية اللي معاه وطلع علي ترب الغفير عاشور و هو بينزل سيف علشان يدفنوا سيف فاق ومسك في عاشور.... عاشور زق سيف جوه تربة مفتوحة سيف لما وقع جوه التربة عمل مغم عليه عاشور نزل يخلص عليه بالمطوه اول اما عاشور قرب من سيف.... سيف خطف المطوه منه وغرزها في قلبه ووقع سيف ووقع عاشور جنب سيف.... في نفس الوقت كان محروس ابن التربي بيتمم علي ابواب الترب وهو معدي من جنب التربة سمع صوت حشرجة من عاشور لانه كان بيطلع في الروح وصوت مبحوح وده كان سيف بيحاول ينده على اي حد يساعده الواد افتكر ان التربة فيها عفريت جري وقفل باب التربة بسرعة وبكده اقدر اقول ان سيف الاحمدي متقتلش سيف الاحمدي مات باختناق توقفت علي اثره عضلة القلب...
هنا ردت روان :طب انتوا قابضين علينا ليه طلعونا من هنا
وايدها الراي كلا من جميلة وريم فرد المقدم امجد
المقدم امجد: اهدي يا مدام روان انتو كده كده هيتوجه ليكوا تهمة الشروع في قتل سيف الاحمدي ده غير البلاوي التانية اللي في التحقيقات مدام جميلة تجرت في بورصة البتكوين ومدام ريم ادت رشوة للمسئولين وغشت في المشروعات بتاعة شركتها وحضرتك خالفتي طبيعة شغلك وتسترتي علي الفساد وساهمتي فيه انا حولت كل التحقيقات للنيابة وهي تقرر هتعمل معاكوا ايه...
ريم : طب تاخد كام وتخلصنا من القضية دي
القدم امجد: انا ممكن اعملك قضية رشوة دلوقتي بس انا مش هعمل كده وبالنسبة للعرض للاسف انا مش فاسد زيك
رن المقدم امجد الجرس ليدخل النقيب كريم
المقدم امجد : كريم خد مدام روان ومدام ريم ومدام جميلة
ورجعهم الاستيفا والصبح رحلهم علي النيابة
______________________
اليوم التالي
كان النقيب كريم يرحل المتهمات علي النيابة وفي تلك اللحظة كان الصحفي منير عبد المجيد الذي يعمل لدي صحيفة الغد ياخذ كل معلومات القضية من الامين مرعي بالقسم وبعد ان اخذ المعلومات ذهب الي بيته واعد مقالا عن القضية وارسله الي الصحيفة لنشره في العدد المسائي وكان واثقا ان هذا المقال سيثير ضجة في مصر
( المقال)
في قضية مثيرة اليوم امر المقدم امجد رشوان نائب مامور قسم ثان مدينة نصر ترحيل المتهمات بقتل رجل الاعمال القذرة سيف الاحمدي الي النيابة حيث اثبتت التحقيقات تورطه في منظومة فساد يرأسها عزت المنشاوي رجل الاعمال الهارب من شهرين فقط بل من ايام قليلة كنا نظن ان سيف الاحمدي هو امل الشباب لغد افضل وكان