بلادي وامي وحبيبتي
انا فاكر وانا صغير
وشايف كل الي كان فيكي
ولون النصر بينور
وياما حكولنا عن برليف
وياما قالو فيه صور
وقالو مستحيل تنهيه
والي يروح هايتعور
وابطالك حسبوها
وذاكروا وفهموها
وشالوالروح عل الكفوف
وقالو بعون الله هاينهوها
وغطو سماها بالطيران
وفي القنال الف معديه
ناس شايله مدافع نار
وناس شايله مدافع ميه
وعبرو أبطالها بست سعات
كانت اسرائل دي منهيه
وبرليف إلي قالو حصين
نهوه بفكره مصريه
بفكرة مهندس جهنميه
وفرحناورقصنا بالشارع
وبانت الافراح بعنيه
ولسه بحكي انا امبارح
لاولادي ايه هي
دي كانت حرب أعظم حرب
خدوها ماده تدرس
في كل دوله اوروبيه
وقالو عنها مش حاربه
دي شبه حربه نوويه
وجيش مصر مش عادي
دي ابطاله شجاعه فدائيه
ولسه ياما فينا كتير
وجي ،،،،،السد والميه
ولو بكره مقروش تاريخنا
هانعيد الحرب دي هيه
تعلمك في كل مكان
تخافو حتي ست مصريه
عشان اسم الشجاعة احنا
وباسم الله مرعيه
وفيها خير جنود الارض
حقيقه دي مش كلام هيه
يارب الفرح فيها يدوم
وتفضل بالحب مرويه
وفيها جمال الكون
في أبطالها واثارها وفي نيلها
وتفضل هي دي هي
حبيبتي لكل حد حبيب
وشوكه بظهر المعاديه
يارب احفظ مصرنا الحلوه
ودايما هي بعنيه
كتب✍️ يحيي العبادي