كان هناك جبل مشهور في أحد المناطق بكثره الجن والعفاريت وان من يذهب لهذا الجبل ليلا يصبح مجنونا أو قاتلا...
علي هذا الجبل كان هناك مجموعه من الشباب في سهره شبابيه.
الساعه بعد منتصف الليل
أثناء جلوس مجموعه شباب عاطلين عن العمل،اخذ بهم الحوار عن عالم الجن وبدأوا في سرد قصص حدثت في الحقيقه في عالمنا
إلا أن (مراد)قاطعهم بالحوار(مازحا)
قائلا:(مين اللي ابوه راجل بصحيح ، في كهف هنا اللي ينام فيه الليل بطوله من غير ما يخاف ،هلاغيه مع البت (هبه)ام شعر اصفر جارتي اللي انتو هتمومو وتكلموها)
فسكت الجميع وبدأ حسن بالضحك وقال:(شوفو مين اللي بيتكلم انت خيشه يابني)
فرد مراد ،يريد رد اعتباره،قائلا:(انا خيشه،طب قدام الشباب الحلوه دي،انا هروح بعربيتي ،واقف بعيد عن الكهف بشويه وهتمشاله علي رجلي ياعم،ايه رايك؟)
تلعثم حسن وقال (لا والله ماليش في كلام العيال ده )
خلال الحوار كان (خالد ) صاحب ليهم جديد ،اتعجب من كلامهم وقال لمراد(مراد،انا هاجي معاك)
فقال مراد (وهو مصدوم):والله انت ابو الرجوله،هه يا حسن اتعلم منه
بينما كان محمد وناصر وفتحي ينصتون اليهم بخوف
قال مراد:وانت يا محمد يا ابو السباع مش دايس في الحوار
فرد محمد،وهو متردد:ايه ه ه ،معاك يا كبير.
استأذن مراد وخالد ومحمد من المتواجدين
واتجهوا لسياره مراد
حسن:ههههههه،خلوا بالكو علي نفسكو يا حلوين
ناصر:يا حسن في جن حقيقي في الكهف؟
حسن:ايه،والله ماعرف ،بس ده كهف مهجور من زمان ،واسمع اللي بيبات في ليله يا اما بيتجن او يموت.
وفي الطريق الكهف
كان مراد يسوق سيارته وقدماه ترتعشان ،ولكن كان خائفا أكثر أن يرجع إلي اصدقاءه،فيضحكون عليه،والهدوء والخوف سيد الموقف ،فقطع خالد هذا الصمت
خالد :لسه كتير ،فين الكهف ده
مراد:باقي شويه،شوف يا خالد لو عايز ترجع هنرجع ماحدش هيجبرنا نعمل حاجه مش عايزين نعملها.
خالد:هههههه فين كلامك واحنا قاعدين؟
مراد وكله خوف ورعب:لا يا اخويا انا خايف عليك انت بصراحه
خالد:لا يا عم دايس معاك
مراد:وانت يا محمد ايه رايك؟
محمد :معاك يا معلم ،احنا رجاله
مراد واقدامه ترتعش من الخوف:شوف حسن كان خايف ازاي هههههههههههه
خالد:من حقه،هو في حد يتحدي الجن برضو.
فانصدم مراد ووقف شعر رأسه
مراد:بس انا مااتحديتهمش،بس حسن نرفزني بكلامه.
خالد:ما علينا خليك دلوقتي قد كلامك
مراد ( بتلعثم):اف بقي عليك اهو كلها نص ساعه ونوصل
كانوا يمشون في طريق مظلم ،لا بشر ولا سيارات حولهم،هذا الطريق المؤدي إلي الكهف.
وأثناء السير بالسياره لمح مراد جسم بشري طويل يمر أمام السياره،ووضع قدمه علي (الفرامل)وبقوه
نظر إليه خالد ومحمد بدهشه
خالد :في ايه؟،كنت هتموتنا
مراد:والله العظيم كان في حد ماشي من قدام العربيه.
خالد: هههههههههههه ،انت بتتخيل،احنا بدأنا ولا ايه.
مراد:والله كان حقيقي
خالد:اتوكل علي الله بس وكمل يالا قربنا نوصل
مراد: يمكن،الله اعلم
بعد وصولهم رأي خالد كهف مظلم،بشكل دائرى،والصخور تحاوطه ،واشجار ذات أشكال مرعبه (فبلع ريقه)
خالد بخوف:يا مراد احنا بنعمل ايه هنا
مراد:والله يا خالد،خلاص وصلنا هنا بعد مشوار طويل ،يعني كل اللي نعمله ناخد لفه كده نشوف الكهف اللي بيقولوا عليه،وليه مخلوق الناس ونرجع
خالد:طب معاك كشاف
مراد :ايوه ،طبعا،اهو
اوقف مراد سيارته وأتجه إلي هذا الكهف الغامض،برفقه زميليه خالد ومحمد
قبل الدخول للكهف اتمني مراد أن القدر غير اتجاهه،ولكن لا مفر من دخول هذا الشئ المرعب،اثناء دخولهم للكهف شاهدوا احذيه قديمه جدا وشاهدوا قطع ملابس ملقاه علي الطريق امامهم.
قطعوا ربع الطريق تقريبا،وانقطع نفسهم،ولكن الغريب في الأمر شبكات التليفون انقطعت فجاه
مراد:يا خالد انا اتقطع نفسي
محمد :وانا كمان
خالد:انا الأكسجين عندي بقي معدوم تقريبا،شدوا حيلكو شويه ونوصل
وفي هذه الأثناء يسمعون ضحكات أطفالا يلعبون،ومره أشخاصا يضحكون
لم يفعل مراد شئ غير أنه جلس مكانه يبكي من الخوف،وهو في ال٢٤من عمره
اصيب محمد وخالد بالذهول والرعب ايضا وأخذوا يرتعشان بشده
خالد:يالا نرجع يا مراد
مراد:والله مافاكر ركنت العربيه فين
خالد :يا غبي ،معاك الكشاف،ومش عارف ركنت فين
وفجأه سمعو صوت يناديهم من بعيد،صوت امرأه تطلب منهم المساعده،قرروا الذهاب إلي هذا الصوت،واتجهوا نحوه (ومراد يمشي ويشتم نفسه علي شجاعته)
نعم شجاعته هي من أوصلته لهذه المأزق
مراد :يا خالد ،هي حتي لو جنييه هتساعدنا نطلع من هنا صح؟
خالد:بلاش تتكلم عشان انا مرعوب
محمد:انا ايه اللي خلاني اجي معاكو،اانا عايز اروح
اخذ مراد يمسك صديقه خالد وخالد يمسك بيد محمد حتي وصلوا لمكان الصوت
امتدت يد لتلامس كتف مراد،فالتفت مسرعا وهو يبكي ،فوجد طفل يبتسم له،في هذه الأثناء كان ينظر خالد لشجره تحترق والنار تلتهمها ولم يشعر بشئ،ومحمد ظهرت أمامه امرأه غاضبه تقول له أنهم من ايقظوا ابنها من النوم.
فسقط مراد مغشيا عليه ويحاول خالد أن يقيظه وكان محمد يرتعش من الخوف ،وفجاه سقطت علي محمد وخالد حجاره واغشي عليهم جميعا.
كتبت ✍️ أمل مصطفى